TACLOBAN CITY – Nagin manilampuson an syahan nga adlaw han panrehistro han mga botante ha syudad han Tacloban.
Sumala kan Atty. Ma. Gorretti Cañas, Election Officer hiton Tacloban City, ugsa paman mag abri an ira opisina han alas-8 han aga in mayda na pipira nga nakapila para magrehistro kun diin pag abri na in nagsusrunod na an pagkaabot han mga magpaparehistro.
Nakarawat gihapon hira hin ngatanan nga klase hin aplikasyon sugad hiton, transfer with reactivation, reactivation, change of status ngan correction of entry, kinahanglan na nga magdara hin bisan anu nga government-issued ID.
Gin-aaghat naman hine an publiko labi la adton mga mag-18 anyos na ugsa iton May 12, 2025 in magparehistro na samtang dire pa nagbubugiot an mga opisina han COMELEC.
