TACLOBAN CITY – Arestado an suspek ha natabo nga panmuno ha Ormoc City han nakalabay nga Nobyembre 30, 2025.
Ginkilala ine kan alyas Jay-R, 49-anyos usa nga parking boy, single ngan residente han Ruvi Village, Brgy. Tambulilid, Ormoc City.
Samtang nakilala naman an biktima kan alyas Tino ,37-anyso an pangidaron, parking boy gihapon, ngan residente han Zone 4, Brgy. Alta Vista, Ormoc City.
Sumala kan PLtCol Rey Cabelin, Information Officer, Ormoc City Police, subay ha ira gindumara nga imbestigasyon, nagkamayda na hin dire pagkaka-intindihay an duha pira ka-adlaw ugsa matabo an insidente.
Dugang pa hine, waray naman magdadahom an biktima nga ha mga masunod nga adlaw mayda na dara nga pisaw an suspek, ngan utro an mga ine nagkadebate nga nagresulta han panbuno hiton suspek ha biktima.
Mababaruan nga nakag angkon hin duha nga binun-an an biktima ha parte han iya dughan ngan sugadman ha iya may tiyan, nga nagin mitsa han dayon hine nga kamatayon.
Ha pagkayana, kapot na hiton Ormoc Police Station 1 an suspek, ngan naatubang na ine ha kaangayan nga kaso.
