-- Advertisements --
TACLOBAN CITY– Naaresto na an suspek ha natabo nga panigbas han iya pamilya didto ha Albuera Leyte.
Sumala kan PCpt Hazel Vacal, Information Officer, Leyte Police Provincial Office, nahidakpan hi alyas Elorde ha Barangay Borok, Ormoc City, ha pakikipagsumpayan han Albuera police ha mga kabaro hine.
Dugang pa ni Vacal, subay ha ira ginhimo nga follow-up investigation, dead on arrival an usa nga 7-anyos nga biktima, samtang an 4-anyos nga biktima naman
in nahidangat pa ine ha opsital, pero dayon la naman ginbawian hiton kinabuhi.
Ha pagkayana naman, padayon nga nagpapaupay an nanay han nasabi nga mga biktima.
Mababaruan nga usa ha mga gin-aaligar nga nag-inaway an suspetsado ngan han iya ka live-in partner, han matabo an nasabi nga pamatay.
