-- Advertisements --
INTERNATIONAL – Nadakop na han mga otoridad an usa nga lalaki nga nagprobar nga pusilon hi anay United States President Donald Trump.
Subay han Secret Service, nakit-an nira an usa nga AK-47 nga pusil nga nakatutok ha lugar kun diin nagmumulay hi Trump.
An nasabi nga pusil in nakatago ha makahoy nga parte han lugar, hinungdan nga dayon ini gin pabuthan hin bala han mga personnnel han secret service.
Dagmit naman nga umeskapo an suspetsyado sakay han itom nga pick-up truck, pero dayon nira ini nadakop.
Nagtutuo naman an mga otoridad nga an panhitabo kan Trump in usa na naman nga assassination attempt.
Ha pagkayana in padayon nga gin iimbestigaran han FBI an motibo han suspek ha nasabi nga insidente.
