TACLOBAN CITY- Arestado an suspek hiton panigbas nga natabo ha Abuyog Leyte.
Ginkilala an suspek kan alyas Mar, 40-anyos, single, laborer ngan residente han Barangay Odiongan Abuyog Leyte.
Samtang ginkilala naman an biktima kan alyas Ren-Ren, 50-anyos an pangidaron, karpentero, ngan residente han nasabi nga barangay.
Sumala kan, Abuyog Municipal Police Station, Chief of Police PMAJ. Luis Hatton, naka-inom an biktima ngan ginsulong hine an balay han suspek, samtang may dara nga suhndang.
Ha mao nga panhitabo pagmamata pala han suspek sanglit nga gin-ungayan hine an biktima kun diin nag tigbasay an duha
Dugang pa ni Hatton, nga subay ha ira kadugangan nga imbestigasyon, mayda na personal nga dire pagkaka-intindihay an suspek ngan han biktima.
Gin-aaligar mangud nga may relasyon an asawa hiton biktima ngan han suspek.
Ha mao nga panhitabo, nakag-angkon an biktima hin magkalain-lain nga tinigbasan ha iya lawas, nga nagin rason han iya dayon nga kamatayon.
Ha pagkayana, kapot na hiton kapulisan an suspek, ngan posible ine umatubang ha kaso nga murder.
