TACLOBAN CITY– Ginkakalipay nga igpahibaro han Eastern Samar Electric Cooperative (ESAMELCO), nga naibalik na nira an suplay hiton kuryente ha ira nasasakupan.
Sumala kan Atty. Edwin Amancio, General Manager Eastern Samar Electric Cooperative, nga kakulop naka-energize na hira hiton linya han kuryente ha Guiuan, kalakip an Salcedo, Sulat, Jipapad, Mercedes, Lawaan,Guinapondan ngan Hernani Eastern Samar.
Dugang pa hine nga an Taft Substation in sayo pa nga na-ibalik an suplay han kuryente kalakip an pira nga mga nasasakupan hine, labot la an Maslog.
Samtang ha Borongan Substation, Llorente ngan San Julian Eastern Samar, naibalik na gihapon an suplay han kuryente.
Ginmalatumat pa hine nga nga may pipira pa nga mga barangay nga waray pa ka-energize an suplay hiton kuryente, ngan may pipira pa gihapon nga mga isla an padayon nga ira ginpapanginano an mga linya han mga ine kun may nagka-uutod matungod han makusog nga hangin nga dara ni bagyong Tino.
Ginpatapod naman hine nga yana nga adlaw ira papaningkamutan nga madugangan an mga lugar nga ma-energize na an ira suplay hiton kuryente.
Naghahangyo naman ine, hin koordinasyon ha mga barangay opisyal nga dire pa naibabalik an suplay han kuryente ha ira mga lugar, nga makipagsumpayan ha ira agud nga mapanginano ngan makag-andam hin mga ekepahi nga pwede gamiton paghingayad.
via | Bombo Juvelyn Rancodo
