Gin sigurado han Department of Energy (DOE) nga sadang pa an suplay han lana ha nasud ha sakob hin ginbabana-bana nga 45 ka diyas, mintras nagpapadayon an paningkamot han gobyerno nga madugangan an buffer stock han nasud ug maiwasan an kakulangan hin suplay.
Basar ha datos han Oil Industry Management Bureau (OIMB), aada ha mga masunod an updated nga imbentaryo han mga produkto nga petrolyo ha nasud:
Gasolina – 53.14 kaadlaw
Diesel – 45.82 kaadlaw
Kerosene – 97.93 kaadlaw
Jet fuel – 38.62 kaadlaw
Fuel oil – 61.49 kaadlaw
LPG – 23.51 kaadlaw
Sumala kan Energy Undersecretary Alessandro Sales, padayon nga gintututukan han mao nga ahensya an suplay han LPG agud masiguro nga diri ini magkukulang hin suplay.
Samtang, igin malatumat naman ni Energy Secretary Sharon Garin nga mapalit an gobyerno hin usa ka milyon nga bariles hin diesel nga nagkakantidad hin P10 billion pinaagi han Philippine National Oil Company (PNOC) agud masiguro an makusog ngan supresyente nga reserba hin lana ha nasud.
Ha kaluyo hini, aminado hi Garin nga an mao nga kadamo in kapareho la hin haros usa ka semana nga kunsomo han nasud.
Ha pagakayana, aada ha 400,000 bariles na an na-secure han PNOC, samtang gin-lalauman naman an kadugangan pa nga 140,000 bariles hin lana ugsa paman mahuman an bulan han Marso.
Subay hini, kukuhaon an mao nga mga suplay ha iba-iba nga nasud sugad man ha Southeast Asia, agud masiguro an padayon nga suplay ug diri na lumaom ha usa la nga ginkukuhaan hin lana.
Gin tagan duon pa han DOE nga importante an pagbug-os han buffer stock ha kaluyo han limitado nga kakayahan hini mahitungod nga makakabulig ini agud masiguro nga diri mauubusan hin suplay hin lana an nasud ha butnga han krisis ha Middle East.
