TACLOBAN CITY– Ginpahimuawa han Department of Agriculture Region 8, nga magkakamayda hin shortahe han suplay hiton bonay ha Sinirangan Bisayas, matungod ha hulga hiton bird flu.
Una hine, ginpahayag ni Agriculture Secretary Francisco Tiu Laurel Jr. nga may posibilidad nga humamubo an suplay han bonay ngan humitaas an presyo hine ha bulan hiton Abril, matungod ha hulga avian influenza ha world market.
Sumala kan kay Francisco Rosaroso, Division Chief ng Department of Agriculture Region 8, dire angay mabarak an publiko, matungod nga nakikipag binuligar an hira ha mga lokal nga pangobyernuhan agud nga dire magkamayda hin shortage ha bonay.
Manunumduman, han tuig 2024 hurak an suplay hiton bonay ha nasud kalakip na dnihi an rehiyon 8.
Ha pagkyana, humamubo naman hin P10 an kada tray hiton bonay, samtang P1 naman per pcs an ginhamubo hine.
Ginsigurado naman han Department of Agriculture nga nakikipagsumpayan na gihapon hira ha importation han egg-laying chicken ngan pagpapadagmit ha pag apruba hiton influenza vaccines ha Food and Drug Administration o FDA.
