Ginbantad ni Sen. Erwin Tulfo an mga power distribution utilities nga magin makatawo ha sukot ha kuryente.
Kasunod na gihapon ini han mga reklamo nga nahidangat ha buhatan han senador kasumpay ha ihap han mga konsumidor nga nakakarawat hin tigdaay nga paghitaas ha ira baraydan ha kuryente mahitungod ha bill deposits.
Nakabutang ha “Magna Carta for Residential Electricity Consumers,” an bill deposit kun diin ini in importante nga ginkokolekta tikang ha mga konsumidor ha bug-os nga nasud agud magsirbi nga garantiya ha pagbabayad han nakonsumo nga kuryente pero waray kabaydi ha nakatalaan nga petsa.
Ginduon han senador nga tumanon han mga kumpanya an ira corporate social responsibility nga tugotan an mga consumers nga magbayad hin hulugan ngan dire na magpasaka hin kadungangan nga sukot.
