-- Advertisements --
TACLOBAN CITY – Dakop an usa nga indibidwal ha gindumara nga Drug Buy-Bust Operation han mga otoridad dida han nakalabay nga adlaw ha Barangay 105 San Isidro, Tacloban City.
Ginkilala an suspek kan alyas “Bam-Bam”, aada ha sakto nga pangidaron ngan residente gihapon han mao nga barangay.
Napalit ha suspek han poseur buyer an usa kapakete hiton gin aalegar nga shabu ngan nakumpiskar an walo pa kapakete.
Samtang, waray pa iginpagawas an kabug-usan nga timbang ngan balor han nasabi nga iligal nga droga.
Ha pagkayana, in nakapaslak na iton suspek ngan maatubang ha kaso ha pagtalapas han Sec. 5 & 11 han Article II of RA 9165.
