NATIONAL NEWS– Gin-anunsyo han Social Security System (SSS) nga mas pinadagmit nga patakaran han ira Calamity loan Program (CLP) agud nga dayon makaghatag hin bulig-pinansyal ha mga miyembro ngan pensyonado nga apektado han kalamidad, mahuman an paglasurbo ni Crising ngan ha mga nagpapadayon nga Habagat.
Subay ha SSS, ha ilarom han bag-o nga guidelines, magigin abelable an calamity loan pito ka-adlaw mahuman igdeklara an usa nga lugar nga state of calamity —kumpara ha anay nga haros usa kabulan an proseso.
Labot la dinhi, ginpahamub-an gihapon ha 7% an interest rate tikang ha anay 10%.
Panuyo han bag-o nga patakaran nga maghatag hin dayon nga bulig-pinansyal agud nga maibanan an epekto han kalamidad ngan mabuligan an pagbakdaw han mga miyembro hine.
Manunumduman, tuig 2024 haros P10 billion an naipanhatag nga calamity loan ha sobra 560,000 miyembro han SSS.
Samtang yana naman nga tuig. ada ha P20 billion an gin-alutaga han ahensya para ha programa.
