NATIONAL–Nagbuhat hin rally an mga miyembro han Duterte Panagutin Europe ngan iba pa nga grupo nga nananwagan para han pagkakapreso ni anay Presidente Rodrigo Duterte ngan iba pa nga kalakip ha ginaalegar nga responsible ha mahaluwag nga pagpatay han madugo nga drug war.
Ginpangunahan han grupo an gios-protesta gawas hiton International Criminal Court (ICC), tangan an mga tarpaulin nga mayada nakasurat ga mga panawagan.
Kalakip ha mga ine an pagpapabaton kan FPRRD, panindigon para ha hustisya han mga biktima han drug war, dagmit nga hustisya para ha ira mga pamilya, ngan iba pa nga kaparehas nga panawagan.
Nagbuhat gihapon hin halipot nga programa an mga grupo kun diin ira ginduon nga dire dapat nababalewaray an katungod pantawo han kada mulupyo.
Yana nga adlaw, ginlalaoman nga magbubuhat utro an grupo hin halipot nga programa harani ha ICC headquarters kumo pagpapakita hin suporta ha mga biktima han ginaalegar nga extrajudicial killings nga nahitabo ha naglabay nga administrasyon.
Pira ha mga pamilya han mg abiktima in nauna nga bumiyahe pera personal nga umatender ha pagdungog han anay pangulo.
