TACLOBAN CITY – Nakatalaan nga pagtindugon ha Tolosa, Leyte an usa nga pinakadako ha bug-os nga Visayas nga Sports Center nga kun diin, makakaghatag naman ini hin dako nga bulig ha ekonomiya han Sinirangan Bisayas.
Ha mga litrato, in makikita an desinyo hini nga mayda oval shaped nga imprastruktura nga kun diin, abre liwat an igbaw hini.
Sumala kan Tingog Partylist Representative Jude Acidre nga an panuyo manggud hini in maibutang an rehiyon ha mapa nga andam gihapon makipagsabayan ha iba pa nga mga lugar han nasud.
An mao nga sports center in ginbabana-bana nga mayda 25,000 capacity nga state of the art.
Dugang pa ni Acidre nga kaparte ini han ira agresibo nga pamaagi agud nga maibutang an bug-os nga 1st District han Leyte nga usa nga mice destination.
“Ini nga atun ginbubuhat, diri la ini kay bakay sports, o bakay services or mga conferences but it is ha tinuod la, we want simple goal, putting Tacloban, putting Leyte on the map. And we know, by doing that, we will be bringing more investments, more jobs, and better life for our region.” yakan ni Acidre.
Mag iimplementar naman han nasabi nga proyekto an Department of Public Works and Highways (DPWH) nga kun diin, mayda naman ini initial budget nga sobra bilyon ka pesos nga target mahuman ha sulod hin tulo ngada upat ka tuig.
Yakan pa ni Acidre nga ha Tolosa an ira napili nga lugar para pagtindugon ini nga sports center mahitungod nga labot la nga nagkukulang na hin tuna ha Tacloban, in gusto daw nira nga igpakalat an development ha bug-os nga probinsya han Leyte.
“Our goal is to bring development not just concentrated within Tacloban but really creating more opportunities even within the metropolitan areas, adtun mga kahigrani nga mga bungto and after that, hopefully the entire region.” pagdugang ni Acidre.
An mao nga sports center in magkakaada hin stadium, Olympic size pools, standard basketball court, volleyball court ngan iba pa.
Posible daw gihapon nga makapaghost na an rehiyon hin mga international events ngan pati gihapon concerts.
“The goal is really to put Eastern Visayas on the map, not just for this particular avenues for sports, conferences, but really bring the attention of the entire country ngadi ha Eastern Visayas that we are all ready, and we area trying to make ourselves ready to host this event.” yakan pa ni Acidre.
