-- Advertisements --
NATIONAL NEWS– Nanawagan hi House Speaker Faustino “Bojie” Dy III hin pagkakaurusa ha mga manbaralaod ngan opisyales han Kamara agud nga maibalik an pagtapod han publiko ngan maiduso an madugay na ginhihinulat nga reporma para ha mga Pilipino.
Ginhimo ni Speaker an panawagan ha flag-raising ceremony ha Batasan Complex han ika- 1 hiton Disyembre 2025.
Aminado hi Dy nga nagpapabilin nga ayat han buhatan an pira na mga isyu, pero gindig-unan hine nga malalampusan an mga ine pinaagi hiton pagkaka-urusa han bug-os nga institusyon.
Gin-aghat niya an ngatanan nga igpaligid la anay an pankalugaringon interes ngan magpukos ha pagserbisyo ha publiko, labi na ha butnga hiton aringas han politika ngan sayop nga impormasyon.
