Gin dayaw ni Speaker Faustino “Bojie” Dy III an mga magturutdo kumo “harigi han kumunidad” ngan utro nga iginduon an suporta han gobyerno ha pagpapadagmit han pagtindog han mga klasrum ha bug-os nga nasud agud mapaupay an kalidad han edukasyon.
Iginpahayag ini ni Dy kumo guest speaker ha ika-21 nga anibersaryo han Schools Division Office han Cauayan City dida han Marso 13, kun diin nagpasalamat hiya ha mga magturutdo ha ira importante nga papel ha paghulma han kabataan.
Gintagan-duon gihapon hini nga responsibilidad han ngatanan nga magturutdo, kag-anak, ngan residente an pagsigurado ha maupay nga kabubwason han mga kabataan.
Sumala kan Dy, ginpapadig-on han gobyerno an koordinasyon han national government ngan mga lokal nga gobyerno agud mabaton an kakulangan ha mga klasrum pinaagi han bulig han Department of Education.
Kasumpay hini, gin aprubahan di pala maiha han House Committee on Basic Education and Culture an panukala nga Classroom-Building Acceleration Program (CAP) nga panuyo padagmiton an pagtutukod, paghingayad, ngan pagpapaupay han mga klasrum ha mga pampubliko nga iskuylahan ha nasud.
Panuyo hini nga pag-usahon an pondo ngan suporta han gobyerno, LGUs, ngan pribado nga sektor agud mabaton an kakulangan ha mga klasrum.
