TACLOBAN CITY – Ginpasaradhan han City Government of Tacloban an usa nga Spa ha downtown area han syudad mahitungod han gin aaligar nga nagbubuhat hin Trafficking for prostitution nga pagtalapas ha Republic Act No. 7610 ngan 9208.
Basar ha impormasyon nga nakuha nira mahuman maghatag hin mga statement an mga biktima han establisyemento nga nagbubuhat hin gin aaligar prostitusyon ngan iba pa nga mga klase hin pan aabuso in labi na adtun usa naman nga menor de edad.
Lakip gihapon nga ginkanselar an business permit nira mahitungod gihapon han violations sugad han child abuse ngan child trafficking ngan ha pagtalapas han Code of Sanitation of the Philippines.
An mao nga operasyon in an pinag usa nga pwersa han City Social Welfare and Development Office, Business Permit and Licensing Division, City Legal Office, City Health Office ngan Tacloban City Police Office.
Photo by: Tacloban City Information Office
