-- Advertisements --
INTERNATIONAL – Igin-undang na han South Korea an pagbubutang han ira loudspeaker propaganda broadcasts ha border han North Korea kumo pitad agud igbalik an pagtapod ngan puypuyon an tensyon ha butnga han duha nga nasod.
An nasabi nga pitad in kasunod han paghurar han bag-o nga presidente nga hi Lee Jae-myung, nga nagsaad nga utro aabrehan an dayaloga ha Pyongyang.
Manunumduman nga kilala hi Lee ha iya plataporma nga pagpapaupay han sumpayan han inter-Korean.
Samtang, siyahan naman nga iginpahayag han North Korea nga an nasabi nga loudspeaker broadcasts in kumo usa nga probokasyon ha ira ngan anay nga naghulga nga papabuthon ini.
