NATIONAL – Nanawagan hi House Committee on Aquaculture and Fisheries Resources chairman Brian Yamsuan kan Presidente Ferdinand Marcos Jr. nga mahimo nga balaod an panukala nga P30 billion Rice Competitiveness Enhancement Fund o RCEF, ngan Pantawid Pambangka Program.
Ine in kahuman han pandistroso han mga bagyo nga Kristine ngan Leon, nga duro nga naka-apekto ha mga parag-uma ngan paru-pangisda ha nasud.
Aminado naman hi Yamsuan nga dire madagmit an pagbakdaw tikang ha epekto han mga kalamidad.
Dugang pa hine, kinahanglan nga paru-padayon an pagbulig han mga naapektaran han mga naglabay nga bagyo.
Ha oras naman daw nga magin balaod na an RCEF in ada ha 2.4 milyon nga parag-uma an makakatagamtam hine.
Samtang ha ilarom han Pantawid Pambangka Program, tatagan hin binulan nga tag-P1,000 nga fuel subsidy an mga parug-pangisda kun diin dire malahos ha 132,000 nga parag-uma ngan paru-pangisda an apektado.
