NATIONAL – Iginduduso ni Parañaque 2nd District Representative-elect Brian Raymund Yamsuan nga himuon nga mandatory ha mga commercial establishment an pag-install han closed-circuit television (CCTV) systems ha sulod ngan gawas han premises han ira mga establisyemento.
Ine in kumo suporta ha panuyo ni Presidente Ferdinand Marcos Jr nga pakusgon an kampanya kontra ha kriminalidad.
Sumala kan Yamsuan, ha pag-aabir han 20th Congress, magsasalawad hiya hin balaudnon nga himuon nga mandatory na ha mga business establishments an pagbubutang hin CCTVs.
Partikular nga igre-require an mga establishments nga mayda 20 empleyado paigbaw ngan an daily transactions in maabot ha P50,000 kada adlaw.
Required butangan hin CCTVs an ira entrances ngan exists ngan ha sulod han workplace.
Natuod hi Yamsuan nga dako an maibubulig han private sector para pakusgon an anti-crime campaign han gobyerno.
Ha nasabi nga balaudnon nga igsasalawad ni Yamsuan, sakop hine an mga restaurants, hospitals, malls, shopping centers, movie houses, theaters, supermarkets, groceries, entertainment centers, office buildings, warehouses, ngan cockpit arenas.
