INTERNATIONAL – Nagsaad hira South Korean President Lee Jae Myung ngan Japanese Prime Minister Shigeru Ishiba nga papahalawigon pa nira an sumpayan han ira mga nasud.
Ini in mahuman nga nagin malinampuson an nagin siyahan nga paghimangraw han duha nga lider ha gindumara nga G7 Summit ha Canada han nakalabay nga Martes.
Sumala kan Ishiba nga mas importante yana an mayda tulo nga kaalyado, kalakip na an Estados Unidos ngan South Korea ha kaluyo han mga ayat ha rehiyon, sugad han tarhog han nuclear weapon han North Korea ngan nagtitikaduro nga tensyon ha China.
Kasumpay hini, nagdumara naman hin gisiyasiyahani nga joint air drill an South Korea, Japan, ngan Amerika ha ilarom han administrasyon ni Lee, usa nga senyales nga nagpapadayon an kooperasyon panseguridad subay ha mga eksperto.
