NATIONAL NEWS: Gin-sisiguro han Department of Social Welfare and Development (DSWD) nga mas papakusgon pa an paghahatod han social protection program, kasunod han pag-apruba ni Presidente Ferdinand Marcos Jr., nga mapaupod ha top priorities han proposed 2025 National Expenditure Program (NEP).
Sumala ha DWSD, nga kaapi an social protection ha prayoridad ha administrasyon Marcos nga gintagan hin hitaas nga budget ha masunod nga tuig.
Ha ilarom han approved NEP, an proposed budget han DWSD para ha tuig 2025 in umabot na ha P229.3 billion.
Ha nasabi nga proposed budget ha haros katunga in makakadto ha Pantawid Pamilyang Pilipino Program (4Ps).
Kalakip ha mga plano han buhatan ha ilarom han Human Capital Development, in an paglunsar han interoperable social registries nga maypanuyuan nga mapadagmit an paghatag han cash assistance.
