PALO, LEYTE – Gindumara han mga otoridad an dako nga pagdestruso han maabot P625,797,997.27 milyon nga kantidad hiton iligal nga droga nga nakumpikar ha bug-os nga Sinirangan Bisayas dida han nakalabay nga adlaw.
Aada ha kabug-usan nga 92,018.4927 ka-gramo han shabu ngan 15.2413 ka-gramo liwat han marijuana an mga ginpan-dispose han mga otoridad.
Sumala kan PDEA Regional Office Vlll, Information Officer lll, Rogelette Urgel nga ginbuhat an nasabi nga pagsunog han mga droga ha thermal facility han Heaven’s Gateway Chapel ha Brgy. Campetic, Palo, Leyte kun diin, ginatenderan ini han mga PDEA RO VIII personnels, mga media witnesses, ngan sugad man mga representante han gobyerno agud maipakita ngan masigurado an transparensiya ha pagbuhat nga pagdestruso.
Panuyuan gihapon han pagdestruso han mga ini in agud nga dire na ma-recycle o kun maibaligya utro an mga iligal nga droga.
Samtang, dugang naman ni Urgel nga labot la liwat ha iligal nga droga gindestruso gihapon nira an mga magkadurudilain nga expired medicines.
