-- Advertisements --
TACLOBAN CITY – Nakumpiskar an sobra P300K nga balor han gin-aalegar nga shabu ha gindumara nga buy-bust operation han mga otoridad dinhi ha syudad han Tacloban.
Sumala kan PMaj. Marjorie Manuta, Information Officer han Tacloban City Police Office, nakuha ha suspek an gin aalegar nga shabu nga mayda street value nga naabot ha P374,000.
Ginkilala an suspek han Reymar Quintana, 22-anyos an pangidaron, ngan residente han Brgy. 39, Calvary Hill, Tacloban City.
Nakuha naman ha posisyon han suspek an marked money nga P500 ngan boodle money nga P5,500.
Ma-atubang naman an suspek hin kaso han pagtapalas han R.A. 9165.
