-- Advertisements --
TACLOBAN CITY – Nakumpiskar han mga otoridad an maabot P3.4M nga kantidad hiton iligal nga droga ha gindumara nga buy-bust operation ha Fisherman’s Village, Brgy 88, San Jose, Tacloban City dida han mga nakalabay nga adlaw.
Ginkilala an suspek kan alyas “Gaga”, 52 anyos, inasaw-an, waray trabaho ngan residente han nasabi nga barangay.
Basar hiton imbestigasyon, nakuha han mga otoridad an usa ka sachet hin shabu kumo buy-bust item ngan 23 pa ka sachet hin gin-aalegar nga shabu ha suspek kun diin, ini in may timbang nga 513 ka gramos ngan ginbabana bana nga balor nga maabot P3,488,400.
Samtang, nakapaslak na an mao nga suspek ha Tacloban City Police Office ngan ginaandam na han mga otoridad an kaangayan nga kaso hini.
