METRO MANILA, PHILIPPINES – Umabot ha $373 milyon o sobra P21 bilyon an neto nga gumawa ha ekonomiya han Pilipinas dida han Enero, sumala ha Bangko Sentral ng Pilipinas.
An gintatawag nga balance of payments deficit dida han Enero in mas gutiay kaysa ha P4.073 bilyon BOP deficit nga nahipatik dida han Enero 2025.
An BOP an record han tanan nga dolyar ngan iba pa nga mga foreign currency nga nasulod ngan nagawas ha nasud tikang ha mga halin tikang ha exports ngan ginpapadara nga remittances han mga overseas Filipino worker kutob ha mga ginbabaydan ha imports, mga ginbabayad ha foreign debts ngan interes han mga ini.
Gumutiay an BOP dida han Enero kumpara ha nakalabay nga tuig mahitungod nga nangutang an gobyerno hin $2.75B ha foreign creditos ha pamamaagi han global bond issue sanglit may sumulod nga $2.75 bilyon nga bag-o nga dolyar o foreign currency ha ekonomiya.
Ha kaluyo han deficit, dumako naman an gross international reserves han Pilipinas. An GIR in ginbabantayan han mga trading partner, foreign investor ngan foreign creditor mahitungod dinhi nakikit-an an akos han usa nga ekonomiya nga bayaran an mga ginpapalit hini ngan ginuutang ha iba nga mga nasud.
