TACLOBAN CITY– Arestado han mga otoridad an pira nga mga drug pusher ha Brgy. Mahayag, Catbalogan City, Samar.
Ginkilala an mga ine kanda alyas “Noel”; alyas nga “Pablo”; ngan alyas nga “Mat”.
Sumala han PDEA Regional Office Vlll, Information Officer, Rogelette Urgel, nakuha ha posisyon han mga suspek an pira ka sachet hin gintutuuhan shabu nga may kabug-aton nga tulo ka kilo, ngan ginbabana-bana nga mayda market value nga P20,400,000, an nakuha ha posisyon han mga suspek.
Dugang pa ni Urgel, nga labot la han iligal nga droga nakakuha gihapon an ira grupo hin pipira nga mga drug paraphernalia.
Ha pagkayana, aada na ha kustodiya han mga otoridad an nasabi nga mga suspek, hira an mag-aatubang han kaso
mga pagtalapas han RA 9165 o mas kilala nga Comprehensive Dangerous Drugs Act of 2002.
