Sobra 8 milyon katawo an nagdumara hin gios-protesta ha magkadiru-dilain nga parte han US.
Gintawag ini nira kumo “No Kings” protest kun diin ginkokontra nira an mga polisiya nga iginpapatuman ni US President Donald Trump.
Pira ha mga polisiya in kinalalakipan han kasamok ha Iran, pagpapahugot ha immigration ngan an padayon nga paghitaas han mga papliton.
Tikang Los Angeles, Boston, New York , Washington DC , Houston, ngan damo nga iba pa.
Kaupod na gihapon an Minnesota kun diin ginhinumdom han mga ini an mga namatay nga hira Nicole Good ngan Alex Pretti nga ginpamusil han federal immigration agents.
Nakiusa gihapon ha protesta an pira nga mga showbiz personalities sugad kanda actor Robert De Niro ngan singer nga hi Bruce Springsteen.
Nagin mahugot naman an pagbabantay han mga otoridad kun diin pira nga indibidwal an gin aresto han Los Angeles mahitungod ha pagprubar nga pagpakig-pisikalay ha mga otoridad.
Gin buhat gihapon an mga gios-protesta ha pira nga lugar sugad han Paris, London, ngan Lisbon, Portugal.
