TALOCBAN CITY–Nabayaran na han Philippine Crop Insurance Agency (PCIC) an 65,713 ka parag-uma nga mayada P191.63-M nga indemnity tikang han Enero kutob han ika 30 han Nobyembre tuig 2025.
Ginmalatumat ni Benita Alberto Chieft Marketing and Sales Division han PCIC 8, nga kasgaran han mga nabayaran in mga rice farmers nga umabot hin 59,944 nga mayda indemnity nga P171.629-M.
Ikaduha naman an 2,840 nga mga corn farmers nga mayada P7.64-M, samtang smunod naman an 1,356 nga parag-uma para han mga high-value crops nga myada indemnity nga P2.7-M.
Dugang pa hini mayada nira nahipatik nga significant payment ha 390 ka livestock raisers nga mayda indemnity nga P5.4-M
Samtang, pahyaag ni Alberto nga parsyal nga nabayaran na mga umhanan ha rehiyon nga nadistroso matungod han paglasurbo han Bagyong Opong, Tino, ngan Uwan.
Nagbuhat gihapon an ahensya hin check distribution ha Biliran han unga nga semana.
Mababaruan gihapon nga tikang han ika 1 kutob 11 han Disyembre, na-release na an mga cheke ha ira mga extension office kun diin 2,028,796 ka parag-uma an nahipatik ha Catbalogan, 2,069,870 ha Ormoc, ngan 183,590 ngan 17 ka parag-uma ha Borongan.
