-- Advertisements --

NATIONAL NEWS– Narekopo han Department of Agriculture an dire maubos ha 25 metric tons nga smuggled nga pula nga sibuyas tikang ha China nga nakadto ha Misamis Oriental.

Subay hiton DA, an cargo in umabot hadton Mayo 26 ngan gindeklara nga frozen goods sugad hiton egg noodles, croissant, dough, pizza dough, buns, ngan spring rolls.

Mababaruan, una na nga ginbalabgan an pagpagawas hin mga kargamento para ha kadugangangan nga inspeksyon, alinsunod ine ha hangyo han BPI-Plant Quarantine Service ha Cagayan de Oro ha BOC.

Dugang pa hiton DA, gindumara an physical examination hadton Hunyo 11 ngan tumambad an pula nga sibuyas nga dire nakalista ha manifesto.

Subay naman ha pabana-bana han mga hintutuinan maabot an kantidad hine ha P2 million.

Nagpahimatngon naman hi Agriculture Secretary Francisco Tiu Laurel Jr. ha mga magpro-probar nga magsulod hiton mga smuggled nga sibuyas, ine in matungod nga waray hira ginpapagawas nga import clearance.