TACLOBAN CITY- Nahimas na ha matugnaw nga rehas an duha nga kalalakin-an mahuman nga madakpan ha guinbuhat nga panmaligya hin shabu ha usa nga hotel ha siyudad han Catbalogan ha probinsya han Samar.
Sumala kan Rogelette Urgel, tagapagyakan han Philippine Drug Enforcement Agency (PDEA) Regional Office 8, guinkilala an mga suspek kan Ralph Anthony Villegas, 29 pangidaron, ulitawo, residente han Brgy. Marasbaras, Tacloban City ngan Nardito Gaoiran Jr., 26 anyos an pangidaron ngan molupyo han Barangay Bacyaran, Calbiga, Western Samar.
Dugang pa ni Urgel nga napalit tikang ha poder han mga suspek an 25 kabug-os nga Heat-sealed transparent plastic sachet nga may sulod han guintutuuhan shabu nga nagkakantidad hin Php204,000.00 ngan magkadirudilain nga drug paraphernalia.
Naaatubang na an mga ini ha kaangayan nga kaso ngan temporaryo nga guinpanmaslak ha Catbalogan City Police Station Lock-Up Facility.
