CALBAYOG CITY – Naugbaw han sunog an maabot ha 29 nga kabablayan ha Brgy. Jimautan, Calbayog City dida han nakalabay nga adlaw,
Sumala kan Calbayog City Fire Station Inspection and Investigaton Section Chief, SFO1 Roy Marquez, interior barangay o surudlon nga barangay an nasunog nga parte sanglit nakurian gihapon hira ha pagsulod, sugadman in makuri an signal rason nga waray hira dayun makaresponde.
Ha 29 nga nasunog nga panimalay, 25 hini in himo ha mga light materials ngan upat naman an himo ha concrete light materials.
Ada naman ha 99 nga indibidwal an nasunogan o 29 nga pamilya an apektado han nasabi nga sunog.
Usa gihapon nga iskuylahan an naapektuhan, kun diin medyo nasunog hin guti an mga mga jalousie window hini pero waray gud ini kasunog.
Waray naman nahipatik nga namatay ha insidente, samtang usa naman nga lalaki an nasamaran mahuman nga makadukot ha usa nga mapaso butang.
