TACLOBAN CITY – Gin tikangan na pag turn over ha mga benepisyaryo ha ilarom han Everyday Negosyo Program han City Cooperatives Development and Livelihood Assistance Office kumo inisyatibo han lokal nga panggobyernohan han syudad nga suportahan an mga kooperatiba, sugadman an small individual entrepreneurs ha committed ngan inclusive economic empowerment.
An nasabi nga mga livelihoods in tikang han mga lista han kada-mulupyo ha kada barangayan nga ira karuyang livelihood mahitungod nga karuyag han administrasyon ni Romualdez nga waray mabibilin nga sektor ha panhatag hin livelihood ha syudad.
Usa an sari-sari store ha mga igin hatag nga patikang nga livelihood project ha nga mulupyo nga kun diin, sumala kan City Cooperatives Development and Livelihood Assistance Office Head Ruena Mate, an pagkakamay-ada hin matatawag nga imo bisan gutiay la nga tindahan in usa ha mga pitad nga makakabulig ha mga mulupyo ha ira pan adlaw-adlaw.
Dugang pa hini, usa gihapon ini nga pitad ngan giya agud mapahamubo an unemployment rate ha syudad agud magkaada hin trabaho ngan makaincome an nga mulupyo.
Gin sigurado naman ni Mate nga diri ini an katapusan nga programa han syudad nga panggobyernohan ha syudad hiton Tacloban mahitungod nga maghahatag pa hin entrepreneurial training ug tips an ira opisina agud mas ma pa lago pa an igin hatag nga panginabuhi.
Samtang, nakatalaan naman pagdumaraon an masunod nga Barangayan activity yana nga Huwebes, Agosto 14, ha Barangay 108 Tagpuro Covered Basketball Court tikang alas 8:00 AM hasta 12:00 NN. (via Bombo Niña Magpili)
