INTERNATIONAL – Umabot na ha siyam katawo an patay samtang 54 naman an samaran mahuman nga lumaprak an stage tungod han makusog nga hangin samtang gindudumara an campaign rally han usa nga presidential candidate ha Mexico.
Kalakip ha mga namatay an usa nga menor de edad samtang an pira naman nga nasamaran in ada ha stable na nga kamutangan ngan an iba in ginpapailarom pa ha operasyon sumala kan Governor Samuel Garcia han Nuevo Leon state Mexico.
Sumala ha presidential candidate nga hi Jorge Alvarez Maynez, waray hiya kasamari ha insidete nga natabo ha iya campaign event ha northeastern city han San Pedro Garza Garcia.
Ginpahayag naman han gobernadora han Nuevo Leon state han Mexico nga nagpapadayon an ira rescue operations para masalbar an pira katawo nga na-trap ha ilarom han nagcollapse nga platform.
Sumala gihapon kan Maynez, maglulunsar hira hin imbestigasyon bahin han mao nga insidente.
San-o ini, base ha forecast han meteorological service han Mexico, makakaabat hin makusog nga hangin an bug-os nga rehiyon ngan nagpahimatngon gihapon nga subasko han hangin in may kakusgon nga maabot ha 70 kilometers per hour tikang pa han nakalabay nga adlaw.
