TACLOBAN CITY – Gindudumara han mga kapulisan an Singing Cop of the Philippines 2024 kun diin kabulig hine an ngatanan nga istasyon han kapulisan ha nasud.
Sumala kan Leyte Police Provincial Office Information Officer, PCpt. Hazel Vacal, ine in usa nga kompetisyon nga gin buligan han mga talentado ha pagkanta nga mga police officers.
An nasabi nga kompetisyon in usa nga proyekto nga ginhimo han mga asawa han mga kapulisan nga gintatawag nga Officer’s Ladies Club (OLC).
Hi PCpl. Michael Maquilan naman an pambato han Police Regional Office 8 kun diin naka-assign ine ha Leyte Police Provincial Office.
Naghangyo naman ha publiko hi Vacal nga ig-like ngan share an video ni PCpl. Maquilan nga nagkakanta ine. Makikit-an naman an post hine ha FB Page nga PCADG Tagapag-Ugnay.
Samtang, an magigin proceeds han nasabi nga kompetisyon in mahingangadto naman ha mga PNP personnel nga mayda cancer o grabe nga sakit ngan presente nga nagpapa-upay.
