NATIONAL NEWS– Temporaryo nga igbabalhin ha kustodiya han National Bureau of Investigation tikang ha Senado an bugto ni anay Bamban, Tarlac Mayor Alice Guo, nga hi Shiela Guo mahuman nga tanggalon an contempt order kontra ha iya.
Pag-isplikar ni Bureau of Immigration spokesperson Dana Sandoval, igkakadto la anay hi Shiela ha NBI mahuman nga mayda nira nakit-an nga security concerns.
Ginklaro naman han opisyal nga nagpapabilin la gihapon ha ilarom han BI an legal custody kan Shiela mahitungod nga naatubang ini ha deportation case para ha misinterpretation ngan pagigin alien hini.
Igin siguro gihapon ni Sandoval nga waray magigin special treatment kan Shiela samtang aadto ha kustodiya han NBI.
Labot la han nasabi nga kaso, naatubang gihapon hi Shiela ha reklamo nga may kalabotan ha paggamit hin peke nga Philippine passport ngan usa ha mga respondent ha money laundering complaint nga igin pasaka han Department of Justice.
