TACLOBAN CITY – Patay an usa nga senior citizen mahuman nga pagbunu-bunon ngan pagkastiguhon ha sulod mismo han iya panimalay.
Sumala kan PCI Manuel Nayad, hepe han Mercedes PNP nga guinkilala an biktima kan Alfenia Ogardo Quijako, 72 anyos an pangidaron, residente han Barangay Palamrag, Mercedes, Eastern Samar.
Samtang, waray pa kahisabti kun hin-o an responsable ha mao nga krimen.
Basi ha guindumara nga imbestigasyon han mga otoridad nga nakaangkon an biktima hin mga binun-an ha liog ngan mga binalbagan ha ulo nga nagresulta han dagmit nga kamatayon hini.
Nakuha ha liog han biktima an usa nga pisaw ngan kahoy nga guintutuuhan nga amo an guin gamit ha pagbalbag ha ulo.
Samtang, nagpapadayon pa an imbestigasyon han mga kapulisan bahin han mao nga insidente.
