TACLOBAN CITY-Ginsiguro ni Senator Cynthia Villar, Chairman heton Senate Committee on Food and Agriculture nga makakabenepisyo an mga parag-uma hin lubi ha 105B nga coco levy fund.
Sumala kan Senator Villar nga pinaagi han Coco Development Industry Law, magigin prayoridad hini nga balaud adton mga parag uma hin lubi ha bug- os nga Pilipinas .
Duha an titikangan han pondo ha ilarom han Coco Development Industry Law ngan amo ini an coco levy fund ngan 5B tikang ha General Approriation Act (GAA)
Panuyo hini in para mabuligan ngan mapaasenso adton mga 3.5 M coco Farmers ha bug os nga Pilipinas ha ira pag uma.
Ha pagtikang han pag-implementar han natura programa, 5B an igdi-disburse kada tuig ngan titikangan ini yana nga 2018.
Sumala pa han senadora nga ginmamando han balaud nga maghimo hin listahan iton Philippine Coconut Authority ( PCA ) ha tanan nga mga parag uma hin lubi ha sakob hin 6 kabulan.
Para naman ha mga parag uma in kinahanglan nga bumisita la ha PCA Regional Office agud magpalista ngan magparehistro kumo benepisaryo.
Ha ilarom han Coco Industry Development Law ginbatag batag na nga daan an paggagastusan ha pondo kon diin:
30 porsyento hini in mangangadto ha equipments o shared facility program nga gagamiton hiton mga parag uma para ma improve an ira pagtanom hin lubi ngan pagproseso han ira mga produkto agud dumako an ira income.
15 porsyento o 750M kada tuig an ig-aalutaga ha para ha scholarship heton mga anak han mga coconut farmers.
15 porsyento iton igbubutang para ha coconut farmer organizations o kooperatiba para kumusog an ira mga organisasyon ngan 30 porsyento para ha improvement han mga farm heton mga parag uma ngan 10 porsyento para liwat ha ira mga health benefits.
