Iginpahayag ni Senate President Vicente “Tito” Sotto III nga plano han mayorya ha Senado nga igbutang hi Senadora Loren Legarda kumo Senate President ugsa mahuman an iya termino ha 2028, nga magigin pinakasyahan nga babaye nga magmamangulo ha Hitaas nga Kapulangan han Kongreso.
Gintagan-duon ni Sotto nga an nasabi nga pitad in dire usa nga klase hin “term-sharing”, kundi usa nga maupay nga plano agud makuha ni Legarda an makasaysayanon nga posisyon ha Senado.
An dati nga intrimis kasumpay ha posible nga pag-abante han senador in nagin seryoso nga istoryahaon kun diin ginlalauman nga matutuman ine kun maipasar na an nasyunal nga pondo para ha 2027.
Dugang pa ni Sotto, pira nga senador, kaupod an pira tikang ha minorya, an suportado gihapon an plano nga pag-abante ni Legarda kumo tagmangulo han Senado, nga igin kalipay naman han Senadora.
