Nahurar hi Senadora Pia Cayetano kumo bag-o nga chairperson han Senate Blue Ribbon Committee, kabalyo han mga nauna nga nagmangulo ha komite nga hira Senador Rodante Marcoleta ngan Senador Ping Lacson.
Dire pa nahuhuman ni Lacson an imbestigasyon han komite kasumpay ha maanomaliya nga flood control project han mahitabo an pagbabag-o ha liderato han panel.
Samtang, utro nga gintudlok hi Sen. Imee Marcos kumo chairperson han Committee on Foreign Relations, nga dati in ginmamanguluhan ni Sen. Erwin Tulfo.
Magpapabilin naman hi Sen. Camille Villar kumo chair han Committee on Environment, Natural Resources, and Climate Change, ngan hiya gihapon an magmamangulo han Committee on Government Corporations and Public Enterprises.
Utro gihapon nga ginpapangunahan ni Sen. Robin Padilla an Committee on Constitutional Amendments and Revision of Codes.
