| Umapela hi Senator Robin Padilla ha political analyst nga hi Ronald Llamas nga ibanan an panbabatikos ine in mahuman an nagin pamahayag ni Llamas nga an senador in kalakip ha mga rason kun kay-anu damo nga celebrity an napirdi han nakalabay nga midterm elections.
Gindepensaran naman ni Padilla an iya adbokasiya, ngan ginpahayag hine nga induduso hin an pagbotos ha mga bag-o nga lider ngan dire sikat, riko o may koneksyon ha political dynasties.
Gintagan gihapon hin duon han senador, nga an iya intension in aghaton an mga botante nga suportahan an mga kandidato subay ha merito kumpara ha kasikatan o koneksyon ha pamilya.
Manunumduman nga hi Sen. Padilla, in usa nga vocal supporter ni anay Pangulong Rodrigo Duterte, nga nanumpa hadton Hunyo 2022.
Ngan nakuha ine an sobra 26 milyon nga botos, an pinakahitaas ha 63 nga kandidato, ngan hiya gihapon an syahan nga Filipino Muslim senator ha sulod han 30 ka-tuig tikang kan Santanina Tillah Rasul han Sulu na nagserbi han 1992.
