Nanawagan hi Senator Imee Marcos ha bag-o nga liderato han Senado nga dayon tikangan an imbestigasyon han Blue Ribbon Committee ha ma kontrobersya nga flood control corruption scandal.
Ha usa nga pamahayag ni Marcos, igin malatumat hini nga angay la abrehan na an Blue Ribbon Committee ngan tanggalon an bisan ano nga magtatakop ha isyu.
Gin aaghat pa hini an komite nga presente gin papangunahan ni Senator Pia Cayetano, nga ig patawag an mga personalidad nga daw dabi ha kontrobersiya.
Kaupod ha nahisumat ni Marcos an 18 nga anay Marines, anay kongresista nga hi Zaldy Co, anay Executive Secretary Lucas Bersamin, ngan anay undersecretary Adrian Bersamin.
An mao panawagan in kasunod han padayon nga diskusyon ha Senado han transparency ngan accountability ha mga proyekto han gobyerno, partikular na ha flood control programs nga igin tutudlok kumo tinikangan han daw mga iregularidad ha nasud.
Samtang, waray pa naman opisyal nga kabatonan an Blue Ribbon Committee ha panawagan ni Sen. Marcos.
