NATIONAL NEWS– Ginsukna ni Senate Blue Ribbon Committee chair Sen. Panfilo “Ping” Lacson an “minority report” nira Senators Imee Marcos ngan Rodante Marcoleta, ngan ginpahayag nga waray hingangadtuan kundi basurahan matungod nga dire an mga ine nasunod ha sakto nga proseso.
Sumala kan Lacson, an dokumento in simbolo han kawaray respeto ha Blue Ribbon Committee ngan ha Senado.
Dugang pa hine pwede naman nga umatinder an monority ngan magpakiana ha hearing imbes nga maghimo hin report.
Ginmalatumat gihapon ni Senate Presidente Tito Sotto nga an report in para la ha media.
Ginpangbit pa hiton minority bloc an daw kapabayaan han Blue Ribbon Committee ha pag-track ha mga lead kasumpay kan anay Speaker Martin Romualdez, pero subay kan Lacson, dire sadang an testimonya han witnesses para mapagbaton hi Romualdez ngan pwede la ine nga magin lead para ha DOJ ngan Ombudsman.
