Gin-susnan ni Senator Imee Marcos an padayon nga paggamit han imported nga mga bugas han “benteng bigas” program han gobyerno, ha kaluyo han kat-ani ngan kawarayan deklarasyon ha kakulangan han suplay.
Sumala kan Sen. Marcos, waray igin deklara nga shortage an Department of Agriculture (DA) pero napalit ha iba nga nasud an gobyerno hin bugas. Kun diin, gin tawag ini ni Marcos nga usa nga klaro na pagpahimulos o pananamantala han pira nga mga opisyal han gobyerno nga mas gin pili nga magkamay-ada ganansya lugod protektaran an mga lokal nga mag-uruma.
Gin sita gihapon han senadora an daw pag sige han pira nga opisyal han Food Terminal Incorporated (FTI) ha importasyon agud mapabilin an ira mga posiyon, lugod suportaran an mandato han ahensya nga angay an direkta nga pag palit hin ani ha mga lokal nga mag-uruma.
Gin hingadayan gihapon han senador an diri umano pagpapatupad hin contract growing arrangements nga puydi makabulig ha mga mag-uruma.
Kasumpay hini, nanawagan hi Marcos ha gobyerno nga i-sentro an suporta ha lokal na sektor han agrikultura ngan diri proteharan an mga nakakakuha hin kapulsanan ha importasyon han bugas.
