NATIONAL – Utro nga nahurar hi Senador Francis “Chiz” Escudero kumo Senate President mahuman nga makakuha hin 19 nga botos, kontra ha 5 nga botos para kan Senador Vicente “Tito” Sotto III.
Nahitabo an botosay ha pag-aabri han syahan nga regular nga sesyon han 20th Congress kakulop han aga, Hulyo 28.
Basar ha ginpapatuman nga patakaran han Senador, an napirde nga kandidato para ha Senate President in otomatiko nga magigin Minority Leader.
Makakaupod hine an mga senador nga bumutos haira kumo bag-o nga minorya.
Samtang, an mga bumutos naman kan Escudero in an bag-o nga mayorya.
An piniliay in ginbuhat ugsa paman an nagin State of the Nation Address (SONA) ni Pangulong Ferdinand Marcos Jr. kakulop han alas-4 han kulop.
Mahuman an paghurar han tagmangulo han Senador, sinundan ine han pagbug-os han mga komite ngan paghingaday ha mga balaudnon para ha bag-o nga sesyon han Kongreso.
