TACLOBAN, CITY – Tikang han mauso an online consultation o pag gamit hin AI para kumuha hin impormasyon ha gin aabat han usa nga tawo in humitaas gihap an kaso han mga na diagnosed tungod han sayop nga medikasyon.
Tungod hini nag mando an DILG kaupod an Food and Drug Administration o FDA nga kinahanglan nga an kada LGUs in mag kamayda hin mahugot nga monitoring ha mga kada tindahan nga diri mag baligya hin mga medisina nga waray prescription han doctor o diri authorized ha pagbabaligya.
Ini gihapon an usa ha dako nga problema han Health Department tungod nga an iba nga tawo in nabase nala ha online consultation.
Sumala kan City DepEd Division Nurse Ms. Rizza usa gihapon nga ira gin papanginano an mga kabataan nga nag se-self medication kun may mga gin aabat nga sakit tungod gihap han kulang nga hibaro han mga kag-anak.
Ini gihap an mahugot nga igin didiri han mga doctor ngan Department of Health nga diri maglaom ha research online, mas makakaupay nga komunsulta ha mga medical expert agud matagan hin sakto nga medikasyon.
