TACLOBAN CITY– Pormal nga nagsalawad han iya kandidatura an self confess drug lord han Albuera Leyte nga hi Roland Kerwin Espinosa.
Subay ha Chester, Cañas, Election Officer han Albuera Leyte, nga ha syahan nga adlaw han filing hiton Certificate of Candidacy nagsalawad ine kumo aspirant candidate for mayor han Albuera Leyte.
Dugang pa ni Cañas, nga madalagan ine pagka- alkalde han nasabi nga lugar, ha piniliay sunod nga tuig.
Ginmalatumat pa ni Cañas, nag file han iya kandidatura hi Kerwin kumo usa nga independent aspirant candidate for 2025 Midterm Election.
Ha pagkayana, hi Espinosa pala an nag file han kandidatura ha nasabi nga lugar, kun diin ginlalauman nga 3 nga aspirant candidate an madalagan pagka-Mayor han Albuera Leyte.
Ha lain nga bahin, ginsigurado ni Cañas, nga mamingaw ngan mayda hapsay nga seguridad an ira lugar samtang nagpapadayon an filing han Certificate of Candidacy.
