TACLOBAN CITY– Stable na an kabutang han usa nga Security guard, mahuman ine nga pusilon han iya igkasi Security guard ha
Barangay Cababto-an Pambujan Northern Samar.
An biktima ngan suspek in parehos mga residente han nasabi nga lugar.
Sumala kan PCPT. Rencis Timan, Cheif of Police Pambujan Municipal Police Station, nga subay ha imbestigasyon han mga otoridad, kasumpay ha utang han biktima, nga ginsisinukot han suspek kun diin ine an gintikangan han dire pagkaka-intindihay, ha butnga han suspek ngan biktima rason han pag-pusila hine.
Nakag-angkon naman hin duha nga igo ha hita nga parti han lawas an biktima ngan dayon ine nga gindara ha ospital agud nga tagan hin medikal na atensyon
Nakuha naman ha crime scene an 4 kabasiyo han bala hiton pusil, nga tikang ha 45 nga caliber nga pistola.
Ha pagkayana, padayon pa nga ginhahalpat han mga otoridad an suspek, agud nga mapagbaton ine ha iya ginhimo nga krimen, ngan sugadman mapasakahan ine hin kaso gihapon ha paggamit hin pusil nga waray lisensya.
