TACLOBAN CITY – Iginpahayag han DOH regional office nga mayda na second wave han COVID 19 an Sinirangan Bisayas
Sumala kan John Paul Roca, tagapagyakan han DOH region 8 nga mas madagmit na sumarang an COVID 19 virus ngan mas damo na liwat an mga natatapnan hini.
kon igbabase ha datos han mga kumpirmado nga kaso, naabot na an peak han first wave dida han May 31 – June 20, ngan humabubo liwat ini ha mga sumunod nga semana tungod ha temporary suspension han panguli han mga locally stranded individuals.
Ha record hiton DOH utro nga nagtikang an paghitaas han COVID 19 cases ha rehiyon dida han July 12-18.
Mapapansin gihapon nga ha first wave han COVID-19, mas damo dinhe an mga locally stranded individuals kon diin 70 porsyento han mga ini an nagpositibo.
Kun kikitaon naman an second wave infection, mayda ebidensya han mas damo nga infectious strain ngan kaurugan ha mga ini in mga LSIs tikang ha mga local cases.
Mayda liwat panibag-o nga mga health care workers an na-infect.
Ha kabug-usan in umabot na ha 168 nga mga health workers ha rehiyon an nagpositive ha COVID 19 kon diin
mayda 53 nga aktibo nga kaso ngan 28 dinhi in tikang referral hospital.
Mayda gihapon na Iginsumat han Department of Healh Regional Office nga mayda nagpupundok o kon clustering of cases hin COVID 19 ha pira nga parte han Sinirangan Bisayas nga kon diri mapudngan in posible mahingadto ha community transmission kon diri makokonrol
