NATIONAL – Gintuman na ni Securities and Exchange Commission (SEC) chairperson Francis Lim an nagin patapod hine ha syahan nga adlaw han paglingkod hine ha pwesto.
Ine in pinaagi han pahahatag hin resonable nga pag-iban ha mga bayaron ha mga micro, small and medium enterprises (MSME).
Ha iginpagawas hine nga Memorandum Circular 8 dida han Hulyo 16, karuyag hine nga matagan hin suporta agud umursa an mga MSME pinaagi han paghahatag hin discounted rate ha pira nga mga filing fees.
Nakasurat ha nasabi nga memorandum nga an hin-o man nga MSME nga karuyag magrehistro ha korporasyon in matatagan hin 20% discount ha mga registration fees.
Samtang, an mga MSME nga karuyag madugangan an ira capital stock pinaagi han pag-amyenda han ira articles of incorporation in matatagan hin 25% discount ha filing.
An mga discounted rate in magigin epektibo ha Disyembre 31, 2025.
