TACLOBAN CITY – Patay an duha katawo mahuman an nahitabo nga disgrasya ha kadalanan ha Brgy, Bugasong, Libagon, Southern Leyte.
Ginkilala an mga biktima kanda alyas Ron, 45-anyos an pangidaron ngan hi alyas Lito, 27-anyos an pangidaron.
Sumala kan PCapt. Felipe Francisco Gijal, Chief of Police hiton Libagon Municipal Police Station, nahingaturog an driver han sarakyan rason nga waray ine sumabot nga sumimang na an iya ginmamaneho nga nakabunggo naman han mga biktima.
Basar ha imbestigasyon, an nakabunggo nga sarakyan in tikang ha Bituon, Liloan kun diin umatender daw in ha party sanglit kulang daw hin katurog an driver hine han tipauli na an mga ine ha Albuera rason nga nahingapiyong ine ngan bumunggo ha mga biktima.
Dead-on the-spot hi alyas Ron mahitungod han naangkon hine nga head injury samtang naidalagan pa naman ha hospital hi alyas Lito pero gin bawian gihapon ine hin kinabuhi.
Nakapag-pyansa naman an driver han sarakyan sanglit nakagawas na ine pero naka-istorya na hine an usa nga biktima ngan nagpatapod nga mabulig ine samtang waray pa naman update kasumpay han usa pa nga biktima.
